Մեծ Բրիտանիայում ֆոլաթթուն կավելացնեն հացին. med.news.am

Մեծ Բրիտանիայում սպիտակ հացին ֆոլաթթու (վիտամին B₉) կավելացվի. կառավարության կարգադրությամբ ընդունված այս միջոցը կօգնի քչացնել ողնաշարի թերություններով ծնվող երեխաների քանակը:

Ըստ մասնագետների գնահատականի՝ սա կօգնի կանխարգելել խնդիրները տարեկան ամենաքիչը 300 երեխաների մոտ, ովքեր ծնվում են ողնաշարի երկատմամբ եւ այլ բնածին արատներով:

Ինչպես գրում է Daily Mail-ը՝ հղիանալ ցանկացող կանանց  եւ հղիության առաջին ամիսներին նշանակում են ֆոլաթթու: Սակայն հղիությունից առաջ նրանցից որեւէ մեկը հազիվ թե օգտագործում է այն , որի հետեւանքով նրանց սննդակարգում առկա է ֆոլաթթվի անբավարարություն, ասում են դիետոլոգները:

Որոշ փորձագետներ իրենց անհանգստությունն են արտահայտել այն առիթով, որ ֆոլաթթուն հացին ավելացնելով արտադրողները դրանով իսկ նրա ազդեցությանն են ենթարկում ողջ բնակչությանը, իսկ տարեց մարդկանց մոտ դա կարող է թաքցնել B₁₂ ավիտամինոզը, ինչը լրջորեն կարող է վնասել նյարդային համակարգը եւ նույնիսկ աղիների քաղցկեղ առաջացնել:

Մեծ Բրիտանիայի առողջապահության նախարար Էրլ Հոուին հայտնել է, որ կառավարությունը սպասում է տվյալների ֆոլաթթվի վերաբերյալ՝ թե ինչքան B₉ վիտամին են մարդիկ ստանում բնական ճանապարհով:

Հարցեր, պատասխաններ, մեկնաբանություններ